29.06.2026 | 19:28
ՔՊ նիստն ավարտվեց. Փաշինյանը մանրամասներ է հայտնում փակ նիստից. ՈՒՂԻՂ
Ինչո՞ւ եք ստանձնել Սերժ Սարգսյանի փաստաբանը լինելու պարտականությունը. Սիմոնյանը` Արծվիկ Մինասյանին. ՏԵՍԱՆՅՈւԹ
Քաղաքականություն
12.08.2021 | 15:45
ԱԺ նախագահ Ալեն Սիմոնյանը հանդես եկավ արտահերթ ելույթով՝ անդրադառնալով «Հայաստան» խմբակցության ՀՅԴ-ական պատգամավոր Արծվիկ Մինասյանի պնդմանը, թե երրորդ նախագահ Սերժ Սարգսյանը 2018թ․-ին հրաժարվել է իրեն օրենքով հասանելիք կառավարական առանձնատնից:
«Պարո՛ն Մինասյան, մարդկանց մոտ ջղաձգում է առաջացնում, երբ, պայմանականորեն, պետությունից 120 մլն դոլար գողացած մարդիկ խոսում են 120 հազար դրամ պարգևավճարից և անվանում են դա կոռուպցիա։ Ջղաձգում է առաջացնում, երբ շենքեր, «ասաբնյակներ» սարքած մարդիկ հեռուստաընկերություններ են գնում և ամեն օր խոսում են վարորդին կամ պահակին 90 հազար դրամ տրված պարգևավճարի մասին։ Ջղաձգում է առաջացնում, երբ դուք ասում եք, որ պաշտոնաթող նախագահները և ղեկավարները պետք է տուն ունենան, իսկ պետությունը չպետք է գործող երկրի ղեկավարին ապահովի տնով»։
Սիմոնյանը հավելեց, որ անկեղծ զարմանում է, որ Մինասյանը եկել, արդարացնում է Սերժ Սարգսյանի՝ ինքն իրեն տուն նվիրելը: «Ինքն իրեն տուն է նվիրել՝ էն կառավարական տունը՝ հարակից տարածքով, որն իր մեջ պարունակում է սաունաներ, լողավազաններ…, հետո մեծահոգաբար վերադարձնում է ու հրաժարվում։ Արծվի՛կ Մինասյան, դուք Դաշնակցության ներկայացուցիչն եք, ես զարմանում եմ, ինչու՞ եք Սերժ Սարգսյանին պաշտապանում։ Ինչու՞ եք դուք ձեր վրա ստանձնել պարտավորություն՝ Սերժ Սարգսյանի փաստաբանը հանդիսանալ»,- ասաց ԱԺ նախագահը:
Մանրամասները՝ տեսանյութում:
