29.06.2026 | 22:03
Վրաստանն ու Ղազախստանը ռազմավարական գործընկերության մասին հռչակագիր են ստորագրել
Երիտասարդների միջազգային օրը. միջոցառում` ԱՄՆ դեսպանության և ԱՄՆ ՄԶԳ-ի նախաձեռնությամբ. ՈւՂԻՂ
Հասարակություն
12.08.2021 | 16:38
Օգոստոսի 12-ին նշվում է երիտասարդության միջազգային օրը․ տոնն առաջին անգամ նշվել 2000 թվականին։ Դեռևս 1995 թվականի դեկտեմբերի 14-ին ՄԱԿ-ի Գլխավոր ասամբլեան, հաշվի առնելով հասարակության մեջ երիտասարդության կարևորագույն դերը, ընդունել է ոլորտային հիմնարար մի փաստաթուղթ՝ Երիտասարդությանն առնչվող գործողությունների համաշխարհային ծրագիրը:
1998 թվականին Լիսաբոնում տեղի ունեցած երիտասարդության հարցերով նախարարների համաշխարհային խորհրդաժողովը նույնպես, կարևորելով երիտասարդության դերը, իր Երիտասարդական քաղաքականության ու ծրագրերի մասին հռչակագրում առաջարկել է օգոստոսի 12-ը հռչակել երիտասարդության միջազգային օր։
Իր աջակցությունը հայտնելով Լիսաբոնյան հռչակագրի առաջարկին և հիմք ընդունելով իր նախորդ որոշումները՝ ՄԱԿ-ի Գլխավոր ասամբլեան 1999 թվականի դեկտեմբերի 17-ին որոշում է կայացրել օգոստոսի 12-ը հռչակել Երիտասարդության միջազգային օր։Երիտասարդության միջազգային օրվա նպատակն է հիշեցնել աշխարհի զարգացման և կառուցման գործում երիտասարդների դերի, ինչպես նաև նրանց առջև կանգնած ամենօրյա խնդիրների մասին:
ՀՀ-ում ԱՄՆ դեսպանությունը և ԱՄՆ Միջազգային զարգացման գործակալությունը Հայաստանի ամերիկյան համալսարանի հետ կազմակերպել են միջոցառում՝ նվիրված Երիտասարդների միջազգային օրվան:
