16.10.2026 | 19:48
Բաքուն թուրք լրագրողի նկատմամբ միջազգային հետախուզում է հայտարարել՝ «Ադրբեջանում իշխանությունը բռնի զավթելու կոչերի համար»
Կառավարությունը ՍԴ նախկին դատավոր Ալվինա Գյուլումյանին կվճարի 16,9 միլիոն դրամ
Հասարակություն
11.08.2021 | 20:47
Հայաստանի կառավարության պահուստային ֆոնդից 16,9 միլիոն դրամ կփոխանցվի Սահմանադրական դատարանի աշխատակազմին ՍԴ նախկին դատավոր Ալվինա Գյուլումյանին չվճարված հավելավճարի գումարը փոխհատուցելու նպատակով: Որոշման նախագիծն ընդգրկված է կառավարության նիստի վաղվա օրակարգում:
ՀՀ վճռաբեկ դատարանը 2021թ. հունիսի 11-ին մասնակիորեն բավարարել է ՍԴ նախկին դատավոր Ալվինա Գյուլումյանի վճռաբեկ բողոքը և պարտավորեցրել ՍԴ աշխատակազմի ղեկավարին` Ալվինա Գյուլումյանին 09.04.2018 թվականից մինչև 26.06.2020 թվականն ընկած ժամանակահատվածի համար լրացուցիչ վճարել հավելավճար՝ ամսական 601 հազար դրամի չափով: Նշված ժամանակահատվածի համար վճարման ենթակա գումարը կազմում է 16.9 մլն դրամ:
Հիշեցնենք՝ 2020 թվականին ԱԺ-ի կողմից կատարված սահմանադրական փոփոխությունների արդյունքում Ալվինա Գյուլումյանը, Հրանտ Նազարյանը և Ֆելիքս Թոխյանն ազատվել էին ՍԴ դատավորրի պաշտոններից, իսկ Հրայր Թովմասյանը՝ ՍԴ նախագահի պաշտոնից:
Նարեկ Կիրակոսյան
