19.11.2024 | 12:36
Փաշինյանից «sms» չեմ ստացել, մենք հերթական ընտրություններին ենք պատրաստվում. Փամբուխչյան. ՏԵՍԱՆՅՈՒԹ
Արցախում կասետային ռումբի պայթյունից վիրավորված սակրավորները վիրահատվում են․ նրանցից մեկի վիճակը ծայրահեղ ծանր է
Հասարակություն
11.08.2021 | 18:21
Այսօր՝ օգոստոսի 11-ին, Արցախի Մարտունի շրջանի Նոր Շեն համայնքի տարածքում ինժեներահետախուզական աշխատանքներ իրականացնելիս կասետային ռումբի պայթյունից վիրավորում ստացած 3 սակավորներն այս պահին վիրահատվում են։
Factor.am-ին ԱՀ Առողջապահության նախարարությունից փոխանցեցին․ «Արցախի Հանրապետական հիվանդանոց տեղափոխվել են 3 սակրավորներ, նրանցից մեկի վիճակը գնահատվում է ծայրահեղ ծանր, մյուսինը՝ միջին ծանրության, երրորդի վիճակը բժիշկները գնահատել են՝ ծանր»։
Հիշեցնենք, որ Հումանիտար ականազերծման կենտրոն հիմնադրամի սակրավորները օգոստոսի 11-ին Արցախի Հանրապետության Մարտունու շրջանի Նոր շեն համայնքի տարածքում ինժեներահետախուզական աշխատանքներ իրականացնելիս, նախնական տվյալներով կասետային ռումբի պայթյունից վիրավորում են ստացել: Այս մասին հաղորդագրություն է տարածել Արցախի արտակարգ իրավիճակների պետական ծառայությունը:
Մերի Մանուկյան
