17.02.2026 | 01:59
Կարինա Ակոպովան ու Նիկիտա Ռախմանինը 14-րդ տեղը գրավեցին ձմեռային Օլիմպիական խաղերում
ԱԺ-ի ծեծկռտուքի լուսաբանումը մեդիայի գործառույթը չէ. Վլադիմիր Վարդանյան. ՏԵՍԱՆՅՈւԹ
Քաղաքականություն
11.08.2021 | 16:36
ԱԺ նիստերի դահլիճում այսօր ծավալված միջադեպից հետո ԱԺ նախագահը կարգադրեց անջատել ուղիղ հեռարձակումը, իսկ լրագրողներին ստիպեցին դուրս գալ օթյակից:
«ԱԺ նիստի բնականոն ընթացքը պետք է ապահովվի, և ԱԺ նախագահը պետք է միջոցներ ձեռնարկի»,- լրագրողների հետ զրույցում նշեց Պետաիրավական հարցերի մշտական հանձնաժողովի նախագահի թեկնածու, «Քաղաքացիական պայմանագիր» խմբակցության պատգամավոր Վլադիմիր Վարդանյանը:
«Ես մշտապես եղել եմ ու մնալու եմ լրագրողների պաշտպան և խոսքի ազատության ջատագով, այնուհանդերձ, եթե կան որոշակի սահմանափակումներ, որոնք կիրառելի են բոլորի նկատմամբ` առանց խտրականության, դա չպետք է դիտարկվի որպես սահմանափակում լրագրողների նկատմամբ»,- նշեց պատգամավորը:
Դիտարկմանը, որ լրագրողները, օթյակում չգտնվելով, չեն կարող լուսաբանել պատգամավորների հնարավոր ծեծկռտուքը, Վլադիմիր Վարդանյանը նշեց. «Ծեծկռտուք լուսաբանելը, իմ կարծիքով, մեդիայի գործառույթը չէ»:
Վարդանյանի խոսքով՝ գործունեության գրեթե բոլոր տեսակներում կան որոշակի սահմանափակումներ, և դրանք անհրաժեշտ են, որպեսզի այլ իրավունքներ և գործունեության տեսակներ չտուժեն:
Մանրամասները՝ տեսանյութում:
