16.12.2025 | 13:20
Թրամփը դատի է տվել BBC-ին` պահանջելով 5 մլրդ դոլար
Ըստ ՄԱԿ-ի տվյալների՝ մինչև 2050 թ․ աշխարհի ջրերում կլողա ավելի շատ պլաստիկ, քան ձուկ․ Ավետ Վարոսյան. ՏԵՍԱՆՅՈՒԹ
Հասարակություն
06.08.2021 | 13:23
Պլաստիկի և՛ արտադրության, և՛ քայքայման ընթացքում մեծ վնասներ է կրում բնությունը: Այս մասին այսօր հրավիրված ասուլիսում անդրադառնալով բնապահպանական որոշ խնդիրների՝ նշեց «Յունիթրեյդ ինտերնեյշնլ» ընկերության հիմնադիր և գործադիր տնօրեն, գործարար, տնտեսագետ Ավետիս Վարոսյանը:
Նրա խոսքով՝ արտադրության ժամանակ սպառվում են մեծ քանակությամբ բնական ռեսուրսներ, որոնք իրենց հերթին վնասում են շրջակա միջավայրը և դրա օգտագործումից հետո առաջնում է քայքայման գործընթաց, պլաստիկի քայքայումից առաջանում են միկրոպլաստիկներ, որոնք ոչ պակաս վնասակար են բնության համար:
«Աշխարհում տարեկան սպառվում է 5 տրիլիոն պլաստիկ տոպրակ, որից 300 միլիոնը հայտնվում է հողում, 20 միլիոնը՝ օվկիանոսներում: Ըստ ՄԱԿ-ի տվյալների, մինչև 2050 թվականը օվկիանոսներում և աշխարհի բոլոր ջրերում կլողա ավելի շատ պլաստիկ քան՝ ձուկ,- տեղեկացրեց Վարոսյանը՝ ընդգծելով, որ սրանք իրականում աղետալի ցուցանիշներ են, և եթե աշխարհի կողմից չնախաձեռնվեն ռադիկալ քայլեր, այս աղետին կհասնենք ավելի շուտ:
«Մենք առաջարկում ենք կենսաքայքայվող, բազմակի օգտագործման տոպրակների համար նախատեսված հումք, ինչպես նաև մեկանգամյա օգտագործման պոլիէթիլենային տոպրակների փոխարինման համար նախատեսված հումք»,- նշեց Վարոսյանը՝ հավելելով, որ այդ հումքը քայքայվում է ջրում և չի վնասում միջավայրը:
Մանրամասները՝ տեսանյութում:
