14.10.2026 | 19:37
Ծանրորդ Սամվել Մարտիրոսյանը դարձավ բրոնզե մեդալակիր. Մ23 տարեկանների ԵԱ
Արմեն Սարգսյանին շնորհավորել են ԵԽ Գլխավոր քարտուղարը
Քաղաքականություն
09.03.2018 | 12:29
Հայաստանի Հանրապետության նախագահի պաշտոնում ընտրվելու կապակցությամբ Արմեն Սարգսյանին շնորհավորական ուղերձ է հղել Եվրոպայի Խորհրդի Գլխավոր քարտուղար Թորբյորն Յագլանդը։
«Ձեր ընտրությունը նշանավորում է հսկայածավալ սահմանադրական բարեփոխումների ավարտը, որը իշխանություններն իրականացրել են Եվրոպայի խորհրդի հետ սերտ խորհրդատվությամբ և համագործակցությամբ։
Պետության համար այս պատմական ժամանակահատվածում, հատկապես՝ խորհրդարանական հանրապետությանը անցման շրջանում, ցանկանում եմ վստահեցնել Ձեզ՝ Ձեր երկրի կառույցներին Եվրոպայի խորհրդի շարունակական աջակցության մեջ։
Մաղթում եմ Ձեզ ամենայն հաջողություն՝ Ձեր նոր գործառույթների իրականացման հարցում»,-ասված է ուղերձում։
Ընտրված նախագահ Արմեն Սարգսյանին շնորհավորել են նաև Մեծ Բրիտանիայի խորհրդարանի Համայնքների պալատի անդամ, Հայաստանի հետ բարեկամության խորհրդարանական խմբի նախագահ Ստեֆան Փաունդը, բարոնուհի Քերոլայն Քոքսը, Համաշխարհային առաջնորդության հիմնադրամի (Global Leadership Foundation) նախագահ Ֆրեդրիկ Վիլլեմ դե Կլերկը։
