Քաղաքական մեսիջներից մինչև լեզվակռիվ ու սկանդալ․ հայ պաշտոնյաները՝ օնլայն տիրույթում. ՏԵՍԱՆՅՈՒԹ

Լուրեր

23.06.2018 | 15:18
Վարչապետը շնորհավորել է նախագահ Արմեն Սարգսյանին ծննդյան օրվա առթիվ
23.06.2018 | 15:00
Վայրի կենդանիները՝ հայ օլիգարխների խրախճանքի զոհ. ՏԵՍԱՆՅՈՒԹ
23.06.2018 | 14:16
Վերջին սոցհարցումների արդյունքները՝ Թուրքիայի արտահերթ ընտրություններից առաջ
23.06.2018 | 13:48
Ասկերանի «Միրզաջան» կոչվող տեղամասից հայտնաբերել են «Զինվորի  բաժին» գրառմամբ պահածոների դատարկ տարաներ
23.06.2018 | 13:28
Հակառակորդը հունիսի 17-ին Ակնայի ուղղությամբ հետախուզադիվերսիոն ներթափանցման փորձ է արել ու հետ շպրտվել. Արցախի ՊՆ
23.06.2018 | 13:23
Սիսիանի ԵԿՄ փոխնախագահն ու Որոտան գյուղի  մի բնակիչ Ռազմական ոստիկանություն են հանձնել մեծ քանակությամբ զենք, զինամթերք և զինվորական հանդերձանք
23.06.2018 | 13:15
Նախաձեռնելու եմ  «Սասնա ծռերի» և զոհված ոստիկանների ընտանիքների  հաշտեցում. Եղիշե Պետրոսյան. ՏԵՍԱՆՅՈՒԹ
23.06.2018 | 13:10
ՀՀ նախագահ Արմեն Սարգսյանը ծննդյան օրվա առթիվ շնորհավորանքներ է ստացել ՌԴ, Ղազախստանի ու Բելառուսի նախագահներից
23.06.2018 | 12:33
Վաշինգտոնում կտոնեն հայկական Վարդավառը. VOA
23.06.2018 | 11:56
Էթյեն Մահչուփյանը չի քվեարկի Թուրքիայի իշխող կուսակցության օգտին
23.06.2018 | 11:10
ՀՀ ԶՈւ զորմասերից մեկում պայմանագրային զինծառայող է մահացել
23.06.2018 | 11:06
Բակո Սահակյանը շնորհավորական ուղերձ է հղել ՀՀ նախագահ Արմեն Սարգսյանին` ծննդյան օրվա կապակցությամբ
23.06.2018 | 09:40
Դատավոր Արմեն Բեկթաշյանը կհրաժարվի՞ քննել հանցավոր խմբի գործը. «Ժողովուրդ»
23.06.2018 | 09:37
ՀՔԾ-ն բազմաթիվ հեռախոսազանգեր է ստացել Մարտի 1-ի դեպքերի վերաբերյալ. «Փաստ»
23.06.2018 | 09:33
Քառօրյա պատերազմի օրերին զինվորների օգնությունը պետք է ԱԻՆ-ը հասցներ. նոր հանգամանքներ. «Ժողովուրդ»
Բոլորը

Ամբողջ աշխարհում քաղաքական գործիչների կողմից օնլայն տիրույթում ներկայանալն ու սոցցանցերի, միկրոբլոգների գործիքները քաղաքական նպատակներով կիրառելը դարձել է սովորական միտում: ԱՄՆ նախագահ Դոնալդ Թրամփն, օրինակ, Twitter-ի, Facebook-ի և Instagram-ի ակտիվ բաժանորդ է: Նախընտրական փուլում Թրամփի թվիթերյան մեկ գրառումն ավելի մեծ ազդեցություն էր ունենում, քան նրա ընդդիմախոսների երկարաշունչ ելույթները, իսկ արդեն նախագահ ընտրվելուց հետո Թրամփի թվիթերյան գրառումները երբեմն ավելի մեծ քաղաքական կրքեր են բորբոքում, քան Սպիտակ տան պաշտոնական հայտարարությունները:

Նրա նախորդը՝ Բարաք Օբաման ևս սոցցանցերի ակտիվ հետևորդ էր: Նա առաջարկում էր օնլայն տիրույթում միասին քննարկել երկրի համար կարևորագույն հարցերը: Իսկ, օրինակ, Ռուսաստանի նախագահ Վլադիմիր Պուտինը սոցցանցերից չի օգտվում, ավելին՝ նա մի առիթով նշել է, որ անգամ սմարթֆոն չունի:

Factor.am-ը վերլուծել է, թե հայ պաշտոնյաներից ովքեր են սոցցանցերն օգտագործում քաղաքական նպատակներով, որքանով է այդ պրոցեսն արդյունավետ, մեր քաղաքական գործիչներն արդյոք կարողանո”ւմ են քաղաքացիների հետ օնլայն տիրույթում պահպանել հետադարձ կապը։ Մեր ուսումնասիրությունների արդյունքում, օրինակ, Հայաստանի նորընտիր նախագահ Արմեն Սարգսյանին սոցցանցերում չհանդիպեցինք։ Թե՛ նրան, թե՛ Հայաստանի երրորդ նախագահ Սերժ Սարգսյանին այս առումով հոգեհարազատ է պուտինյան գործելաոճը, եթե հաշվի առնենք, որ երկուսն էլ սոցցանցերում էջ չունեն:

Փոխարենը Facebook-ում բավական ակտիվ է Հայաստանի վարչապետ Կարեն Կարապետյանը: Նրա պաշտոնական էջում տեղ են գտնում ոչ միայն կառավարության գործունեությանն առնչվող տեղեկություններ, այլև «դրայվով» երգեր: Ռոքի սիրահար վարչապետը հաճախ իր էջում տեղադրում է Լեդ Զեփելինի, Ռոբերտ Փլանտի և այլոց կատարումները:

Սոցցանցերը քաղաքական նպատակներով ակտիվ կիրառողների թվում են նաև Ազգային ժողովի «Ելք» խմբակցության ղեկավար Նիկոլ Փաշինյանը, ՀՀ ԱԺ արտաքին հարաբերությունների մշտական հանձնաժողովի նախագահ Արմեն Աշոտյանը, Հայաստանի նախկին վարչապետ, Ազգային ժողովի նախկին պատգամավոր Հրանտ Բագրատյանը, «Երկիր Ծիրանի» խմբակցության ղեկավար Զարուհի Փոստանջյանը, ավելի վաղ նաև՝ «Համախմբում» կուսակցության նախագահ Վարդան Օսկանյանը։ Նրանք օգտվում են և գրառումներ անելու, լուսանկարներ, տեսանյութեր տարածելու, և ուղիղ եթեր մտնելու և քաղաքացիների հետ հետադարձ կապ ապահովելու հնարավորություններից։

Factor.am-ը առանձնացրել է նաև այն պաշտոնյաներին, որոնք սոցցանցերում տարբեր տարիներին հայտնվել են սկանդալների կիզակետում։ Նրանց թվում են ՀՀ պաշտպանության նախարար Վիգեն Սարգսյանը, Ազգային ժողովի Հանրապետական խմբակցության պատգամավոր, երգչուհի Շուշան Պետրոսյանը, ինչպես նաև Նիկոլ Փաշինյանն ու Արմեն Աշոտյանը՝ հաճախ լեզվակռվի հասնող աղմկահարույց բանավեճերով։

Ֆեյսբուքյան սկանդալներ հրահրողների թվում առանձնացրել ենք նաև ՀՀ պաշտպանության նախկին նախարար Սեյրան Օհանյանի կնոջը՝ Ռուզաննա Խաչատրյանին, ով, թեև պաշտոնյա չէ, սակայն նրա գրառումները հաճախ մեծ իրարանցումներ են առաջացնում քաղաքական դաշտում։

Մանրամասները՝ տեսանյութում։

Աննա Բաբաջանյան