16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Իրանը պատրաստ է միջնորդ դառնալ Հայաստանի ու Ադրբեջանի միջև իրադրության կարգավորման համար
Քաղաքականություն
29.07.2021 | 19:46
Իրանի ԱԳՆ պաշտոնական ներկայացուցիչ Սայիդ Խաթիբզադեն մտահոգություն է հայտնել Հայաստանի և Ադրբեջանի միջև շարունակվող սահմանային բախումների կապակցությամբ։
Նա ցավակցություն է հայտնել զոհերի և վիրավորների ընտանիքներին ու երկու կողմերին զսպվածության կոչ արել՝ ընդգծելով սահմանային վեճերի խաղաղ կարգավորման անհրաժեշտությունը, գրում է IRNA-ն։
Խաթիբզադեն ասել է, որ երկու երկրները պետք է հաղթահարեն լարվածությունն ու կոնֆլիկտները, ինչպես նաև կարևորել, որ բոլոր կողմերը հարգեն միջազգայնորեն ճանաչված սահմանները:
Ըստ նրա՝ Իրանը պատրաստ է ցանկացած օգնություն ցուցաբերել՝ Կովկասում կայուն խաղաղության շուտափույթ ապահովման համար:
