07.11.2024 | 23:23
Թուրքիան Թրամփի նախագահության օրոք ԱՄՆ-ի կողմից մասքատուրքերի իջեցում է ակնկալում
Թուրքիան Իրանի հետ սահմանին նոր պատ է կառուցում «միգրացիոն ճնշման» պատճառով
Քաղաքականություն
29.07.2021 | 19:14
Թուրքիայի և Իրանի սահմանին նոր պատ կկառուցվի, Վանի նահանգապետի խոսքով՝ «միգրացիոն ճնշման» պատճառով։ Այս մասին գրում է «Ահվալ» գործակալությունը։
Վանի նահանգապետ Մեհմեթ Էմիլ Բիլմեզը հայտարարել է, որ ակնկալում է մինչև տարեվերջ Իրանի հետ սահմանին 64 կմ պատի կառուցում, և որ նաև նախապատրաստական աշխատանքներ են տարվում 63 կմ այլ պատի կառուցման ուղղությամբ։ Նահանգապետը հավելել է, որ պատին կից 160 կմ-ոց խրամատ կկառուցվի։
Բիլմեզը նշել է, որ պատն ունենալու է ավելի շատ ռազմական բնույթ։ Ըստ նրա՝ պատին կանցկացվեն մետաղալարեր, 58 դիտարկման ու 45 հաղորդակցման աշտարակներ, որոնք հագեցած կլինեն ջերմային տեսախցիկներով, ռադարներով, սենսորներով և հրդեհի կառավարման համակարգերով:
Թուրքիայի սահմանն Իրանի հետ ունի 534 կիլոմետր երկարություն և այն, կարծես, անցակետ է եղել պատերազմից ավերված Աֆղանստանից բազմաթիվ միգրանտների համար, որոնք փախչում են Թուրքիա։
Նշվում է, որ միայն 2020 թվականին, տարբեր գնահատկաններով, մինչև 500․000 աֆղան միգրանտներ անօրինական կերպով մուտք են գործել Թուրքիա։
Էմմա Չոբանյան
