Տեսանյութեր
29.07.2021 | 13:14Հակառակորդի սադրանքի հետևանքով վիրավորում ստացած զինվորները գտնվում են հոսպիտալում. ծայրահեղ ծանր վիճակում գտնվող զինվորի առողջական վիճակում որևէ փոփոխություն չկա, վիճակը շարունակում է մնալ ծայրահեղ ծանր: Այս մասին լրագրողների հետ զրույցում նշեց Առողջապահության նախարարի պաշտոնակատար Անահիտ Ավանեսյանը։ Նա այլ մանրամասներ չհաղորդեց՝ խնդրելով հետևել Պաշտպանության նախարարության հաղորդագրություններին:
Հիշեցնենք՝ ադրբեջանական ԶՈւ ստորաբաժանումները հուլիսի 28-ին՝ ժամը 03:40-ի սահմաններում, հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիս-արևելյան հատվածում, ընթացել են տեղային մարտեր: Մարտական գործողությունների հետևանքով հայկական կողմն ունի երեք զոհ, հինգ վիրավոր:
