16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Փրկարարները կորցնում են հույսը, որ Լևերկուզենի պայթյունի հետևանքով կորածները ողջ են մնացել
Քաղաքականություն
28.07.2021 | 19:51
Գերմանական Լևերկուզենի արդյունաբերական պարկում տեղի ունեցած պայթյունի հետևանքով զոհվել է առնվազն 2 մարդ, որոնողական աշխատանքները շարունակվում են։ Այս մասին գրում է DW-ի ռուսական ծառայությունը։
Պայթյունից հետո Գերմանիայի արևմուտքում գտնվող Լևերկուզեն քաղաքի Currenta քիմիական ձեռնարկությունում տեղի ունեցած ուժգին պայթյունի հետևանքով 5 մարդ դեռ անհետ կորած է համարվում։
«Ամբողջ գիշեր հրդեհաշիջման և որոնողական աշխատանքներ են ընթացել»,- ասել է Լևերկուզենի հրշեջ ծառայության պետ Հերման Գրեվենը։
Արդյունաբերական ձեռնարկության տարածքում աշխատանքներին մասնակցում է 360 մարդ։ Սակայն, աշխատակիցների գնահատականով, կորածներին ողջ գտնելու հույսը մարում է։ Նրանց որոնումները դժվարանում են նրանով, որ հրդեհի մարման համար օգտագործվել է փրփուր, այդ պատճառով տարածքը դժվար է դիտարկվում։
Լևերկուզենի Բյուրինգի տարածքում գտնվող արդյունաբերական թափոնների հեռացման կենտրոնի վառելիքի պահեստում նախօրեին տեղի ունեցած պայթյունի և դրան հաջորդած հրդեհի հետևանքով, զոհերից բացի, 31 վիրավոր կա, որոնցից մեկի կյանքին վտանգ է սպառնում։
