09.06.2026 | 11:15
Վերահաշվարկի դիմումների վերաբերյալ ԸԸՀ նիստերը կմեկնարկեն այսօր՝ հունիսի 9-ին
Ժնևում մեկնարկել են ռազմավարական կայունության շուրջ ռուս-ամերիկյան խորհրդակցությունները
Քաղաքականություն
28.07.2021 | 17:12
Ժնևում մեկնարկել են ռազմավարական կայունության շուրջ Ռուսաստանի և ԱՄՆ-ի միջև խորհրդակցությունները։ Այս մասին ՌԻԱ Նովոստիին հայտնել են ռուսական և ամերիկյան պատվիրակություններից աղբյուրները։
Հանդիպումն անցկացվում է երկու երկրների նախագահների պայմանավորվածություններին համապատասխան՝ ռազմավարական կայունության թեմայով համալիր երկխոսություն սկսելու վերաբերյալ։ Բանակցություններն անցկացվում են դռնփակ։
Նշվում է, որ ռուսական միջկառավարական պատվիրակությունը գլխավորում է ՌԴ ԱԳ փոխնախարար Սերգեյ Ռյաբկովը, ամերիկյան պատվիրակությունը՝ ԱՄՆ պետքարտուղարի առաջին տեղակալ Ուենդի Շերմանը։
Խորհրդակցությունների նախաշեմին ռուսական ԱԳՆ-ում ընդգծել են, որ պատվիրակությունները քննարկելու են ռազմավարական կայունության աջակցության և ամրապնդման հարցեր, ինչպես նաև սպառազինությունների վերահսկողության հեռանկարները։
Պետքարտուղարությունում էլ նշել են, որ ՌԴ-ի հետ նման երկխոսությունը պետք է սպառազինության վերահսկման ապագա ռեժիմի և ռիսկերը նվազեցնելու միջոցների հիմք դնի։
