07.11.2024 | 23:23
Թուրքիան Թրամփի նախագահության օրոք ԱՄՆ-ի կողմից մասքատուրքերի իջեցում է ակնկալում
Ճապոնիայում Օլիմպիադայի ֆոնին կորոնավիրուսով վարակի նոր հակառեկորդ է սահմանվել
Քաղաքականություն
28.07.2021 | 16:24
Ճապոնիայում, որի մայրաքաղաք Տոկիոյում անցկացվում են ամառային Օլիմպիական խաղերը, մեկ օրվա ընթացքում կորոնավիրուսով վարակի նոր հակառեկորդ է գրանցվել՝ 9․576 նոր դեպք, հաղորդում է NTV-ն։
Նշվում է, որ վարակի դեպքերի առավելագույն թիվը նախկինում գրանցվել է հունվարի 8-ին՝ 7․882 դեպք։
Միաժամանակ, չորեքշաբթի Տոկիոյում վարակի 3.177 նոր դեպք է գրանցվել։ Համապատասխան առավելագույն ցուցանիշ է գրանցվել նաև ճապոնական մայրաքաղաքի հարևան պրեֆեկտուրաներում՝ Տիբայում, Սայտամայում և Կատագավայում։
Ճապոնիայի հիվանդանոցներում ծանր վիճակում գտնվող 522 պացիենտ կա, մեկ օրվա ընթացքում նրանց թիվն ավելացել է 8-ով։
Ընդհանուր առմամբ, համավարակի մեկնարկից ի վեր Ճապոնիայում ավելի քան 893.3 հազար մարդ է վարակվել, 15.1 հազար մահ է արձանագրվել։
Հուլիսի 12-ից Տոկիոյում արտակարգ դրության ռեժիմ է սահմանվել՝ կապված համաճարակաբանական իրադրության վատթարացման հետ։ Սա ենթադրում է, մասնավորապես, հանրային սննդի վայրերում ալկոհոլի վաճառքի արգելք, զանգվածային միջոցառումներին հանդիսատեսի մուտքի արգելք։ Այդ պատճառով Օլիմպիադան անցնում է առանց հանդիսատեսի։
