02.05.2024 | 23:13
Ադրբեջանի իշխանությունները կրկին չեն արտոնել ընդդիմության հանրահավաքը
Ադրբեջանի ԱԳՆ-ն Հայաստանին մեղադրել է «սադրանքների» մեջ և սահմանի դելիմիտացիայի շուրջ բանակցություններ սկսելու կոչ արել
Քաղաքականություն
28.07.2021 | 13:01
Ադրբեջանի ԱԳՆ հայտարարություն է տարածել՝ Հայաստանին մեղադրելով «սադրանքներ» իրականացնելու մեջ։ Դրանում նշվում է, որ պատրաստ են վճռականորեն արձագանքել ցանկացած գործողության, որը կխաթարի Ադրբեջանի տարածքային ամբողջականությունը, հաղորդում են տեղական լրատվամիջոցները։
Ադրբեջանի արտաքին քաղաքական գերատեսչությունը Հայաստանին կոչ է արել «դադարեցնել ռազմական սադրանքներն ու սկսել հայ-ադրբեջանական պետական սահմանի դելիմիտացիա»։
«Մենք Հայաստանին կոչ ենք անում ընդունել տարածաշրջանում նոր իրողությունները, դադարեցնել ռազմական սադրանքներն ու բանակցություններ սկսել պետական սահմանների դելիմիտացիայի շուրջ»,- ասվում է Ադրբեջանի ԱԳՆ հաղորդագրության մեջ։
Հիշեցնենք, որ մայիսի 12-ից ՀՀ սուվերեն տարածք ներխուժած ադրբեջանական ուժերն այսօր նախահարձակ մարտական գործողություններ են սկսել Հայաստանի Հանրապետության սահմաններին՝ Սոթքից մինչև Վերին Շորժա հատվածում։
Էմմա Չոբանյան
