25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
ԵՄ-ն քննադատել է Ռուսաստանին անկախ ԶԼՄ-ների ու ՀԿ-ների հետապնդման համար
Քաղաքականություն
23.07.2021 | 18:24
Ռուսաստանում այլախոհների, ընդդիմադիրների, կառավարության քննադատների ու անկախ ինստիտուտների նկատմամբ շարունակական հետապնդումներն ու վտարումը Ռուսաստանի հասարակական տարածքից ԵՄ անհանգստությունն է առաջացնում, հատկապես Ռուսաստանի Դաշնության Պետդումայի գալիք սեպտեմբերյան ընտրությունների ֆոնին, գրում է DW-ի ռուսական ծառայությունը:
ԵՄ կողմից հայտարարության համար պատճառ են դարձել Ռուսաստանում վերջին իրադարձությունները, մասնավորապես «Իրավունքի ու հասարակական քաղաքականության ինստիտուտի» , ինչպես նաև մի շարք լրագրողների «օտարերկրյա գործակալներ», իսկ Project Media, Inc. հասարակական կազմակերպությունը «անցանկալի կազմակերպություն» ճանաչելը։
«Եվրամիությունը բազմիցս դատապարտել է Ռուսաստանի օրենքները « օտարերկրյա գործակալների» և «անցանկալի կազմակերպությունների մասին», քանի որ դրանք հակասում են Ռուսաստանի միջազգային պարտավորություններին և ոտնահարում են մարդու իրավունքները, ներառյալ խոսքի ազատության և հավաքների ազատության իրավունքները:
Մենք կրկնում ենք մեր կոչը Ռուսաստանի իշխանություններին՝ չեղարկել վերը նշված որոշումները և վերջ տալ քաղաքացիական հասարակության և անկախ լրատվամիջոցների նկատմամբ անխնա ճնշմանը։ Եվրամիությունը համերաշխ է Ռուսաստանի քաղաքացիական հասարակության, մարդու իրավունքների պաշտպանների և անկախ լրագրողների հետ և կշարունակի աջակցել նրանց իրենց դժվարին գործում», – ասված է փաստաթղթում:
Տաթև Ֆռանգյան
