19.05.2026 | 15:36
ՄԻՊ ներկայացուցիչները ձերբակալվածներին պահելու վայրում այցելել են Օսիպյանին
Աֆղանստանում հարձակվել են խաղաղ բնակիչների տների վրա․ կա 100-ից ավելի զոհ
Քաղաքականություն
23.07.2021 | 14:12
Աֆղանստանի հարավում՝ Կանդագար նահանգի Սպին-Բոդակ քաղաքում անհայտ անձինք սպանել են 100-ից ավելի տեղաբնիկների։ Այս մասին նախօրեին հայտնել է Tolo News հեռուստաալիքը՝ հղում կատարելով Աֆղանաստանի Ներքին գործերի նախարարությանը։
«Դաժան ահաբեկիչները Փնջաբից իրենց ղեկավարների հրամանով հրաձակվել են Սպին-Բոդակում աֆղանցիների տների վրա, տները թալանել են, սպանել են հարյուրավոր անմեղ մարդկանց»,- պատմել է ՆԳՆ ներկայացուցիչ Միրվաիս Ստանեկզայը։
Աֆղանստանի կառավարությունը սպանության մեջ մեղադրել է «Թալիբան» ծայրահեղական շարժման ներկայացուցիչներին, որոնք վերահսկում են այդ շրջանը։ Իր հերթին թալիբների ներկայացուցիչ Զաբիուլլա Մուջահեդը հերքել է մեղադրանքները։
Հիշեցնենք, որ ավելի վաղ «Թալիբան» ծայրահեղական շարժումը հայտարարել էր, որ վերահսկում է Աֆղանստանի սահմանի 90%-ը։ Տեղեկացվում է, որ շարժումն ամբողջությամբ վերահսկում է Աֆղանստանի հետ Տաջիկստանի, Ուզբեկստանի, Թուրքմենստանի ու Իրանի սահմանները։
Տաթև Ֆռանգյան
