20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Մելիքսեթ Պողոսյանի որդու նկատմամբ հայտարարվել է հետախուզում
Հասարակություն
22.07.2021 | 17:41
Սյունիքի մարզպետ Մելիքսեթ Պողոսյանի որդու՝ Կարեն Պողոսյանի նկատմամբ հետախուզում է հայտարարվել։ Ինչպես տեղեկացնում է «Արմենպրես»-ը այս մասին հայտնում են Քննչական կոմիտեից:
Կարեն Պողոսյանը մեղադրվում է սպանության փորձ կատարելու և ապօրինի զենք պահելու մեջ:
Հիշեցնենք, որ հուլիսի 13-ին Գորիսում փոխհրաձգություն էր տեղի ունեցել։ Ինչպես Factor.am-ին հայտնել էին Ոստիկանության լրատվական ծառայությունից՝ 00։30-ի սահմաններում ահազանգ էին ստացել «Գորիս» բժշկական կենտրոնից, որ հրազենային վնասվածքներով իրենց մոտ է տեղափոխվել երկու քաղաքացի։
«Դեպքի հանգամանքները պարզում ենք։ Այլ մանրամասներ հաղորդել չենք կարող։ Գործով զբաղվում է Քննչական կոմիտեն»,- ասել էին ոստիկանությունից։
Ըստ լրատվամիջոցների տարածած տեղեկությունների, փոխհրաձգություն էր եղել նախկին մարզպետ Սուրիկ Խաչատրյանի և գործող մարզպետ Մելիքսեթ Պողոսյանի որդիների միջև։
