29.06.2026 | 22:03
Վրաստանն ու Ղազախստանը ռազմավարական գործընկերության մասին հռչակագիր են ստորագրել
Իրանն ու Թուրքիան մեծ դերակատարություն ունեն տարածաշրջանային խնդիրների կարգավորման հարցում․ Ռոուհանի
Քաղաքականություն
22.07.2021 | 13:49
Իրանի հեռացող նախագահ Հասան Ռոուհանին կարևորել է Թեհրանի և Անկարայի կողմից տարբեր տարածաշրջանային և միջազգային հարցերի վերաբերյալ որդեգրած պատասխանատու և համագործակցային դիրքորոշումը ՝ ասելով, որ մահմեդական աշխարհի երկու գերտերությունները մեծ դերակատարություն ունեն տարածաշրջանային խնդիրների լուծման գործում, գրում է Tasnim News-ը:
«Իրանը և Թուրքիան՝ որպես տարածաշրջանում ու իսլամական աշխարհում երկու գերտերություններ, կարևոր դերակատարություն ունեն տարածաշրջանային հարցերի ու խնդիրների լուծման հարցում»,- ասել է Իրանի նախագահ Հասան Ռոուհանին իր թուրք գործընկեր Թայիփ Էրդողանի հետ հեռախոսազրույցի ժամանակ։
Շնորհավորելով Թուրքիայի առաջնորդին մահմեդական Կուրբան Բայրամ տոնի կապակցությամբ ՝ Ռոուհանին ողջունել է երկու հարևան երկրների շարունակական և լավ հարաբերությունները ՝ տնտեսական, քաղաքական, մշակութային և միջազգային ոլորտներում:
Ընդգծելով ապագայում իրենց համագործակցությունը շարունակելու անհրաժեշտությունը և երկկողմ կապերի զարգացումն ու խորացումը՝ Ռոուհանին ասել է.
«Իրանը և Թուրքիան պատասխանատու և համագործակցային մոտեցում ունեն տարբեր գլոբալ և տարածաշրջանային, ինչպես նաև իսլամական աշխարհին վերաբերող հարցերում, ինչը օգնում է երկխոսության և բանակցությունների միջոցով լուծել տարածաշրջանի խնդիրները »:
«Թուրքիան և Իրանը ընդհանուր դիրքորոշումներ ունեն տարածաշրջանային և միջազգային կարևոր հարցերի շուրջ», – իր հերթին ավելացրել է Էրդողանը։
Թուրքիայի նախագահը, մատնանշելով տարածաշրջանում ստեղծված իրավիճակը և Իրանի կարևոր դիրքորոշումն ու դերակատարությունը տարածաշրջանային կարևոր խնդիրների լուծմանն օգնելու գործում, շեշտել է Սիրիայում, Իրաքում և Աֆղանստանում ճգնաժամերը լուծելու համար երկու հարևանների միջև համագործակցության անհրաժեշտությունը։
Տաթև Ֆռանգյան
