10.10.2026 | 17:13
ՀՀ ՊՆ ՌՈ պետն այցելել է բանակային դիրքեր
Ինչպես կասեր Գալուստ Գրիգորիչը՝ դռնփակը դա թաքունը չի. Շարմազանով. ՏԵՍԱՆՅՈՒԹ
Քաղաքականություն
06.03.2018 | 16:19
Կառավարության կառուցվածքի մասին օրենքների փաթեթն ամբողջությամբ բխում է սահմանադրական բարեփոխումների ոգուց: Այս մասին այսօր խորհրդարանում «Կառավարության կառուցվածքի մասին» ՀՀ օրենքում և հարակից օրենքների փաթեթում փոփոխություններ և լրացումներ կատարելու մասին օրենքի նախագծի քննարկման ընթացքում ասաց ԱԺ փոխնախագահ Էդուարդ Շարմազանովը:
«Բնականաբար, իմ հարգելի ընդդիմադիր գործընկերների կարծիքների հետ համամիտ չեմ, փորձեմ հիմնավորել, իհարկե, չգիտեմ՝ որքանով կստացվի փարատել նրանց մտահոգությունները: Ամիսներ շարունակ մեր գործընկերները խոսում են վարչապետական կամ սուպերվարչապետական համակարգի մասին:
Աշխարհում նման բան գոյություն չունի, կա խորհրդարանական համակարգ, և խորհրդարանական համակարգ որդեգրած յուրաքանչյուր երկրում առաջին ջութակը ո՛չ խորհրդարանի նախագահն է, ո՛չ փոխնախագահը, ո՛չ էլ ֆրակցիայի ղեկավարները, առավել ևս, ո՛չ էլ ընդդիմությունը: Խորհրդարանական կառավարման բոլոր երկրներում առաջին ջութակը գործադիր իշխանության ղեկավարն է»,- ընդգծեց ԱԺ փոխնախագահը:
Մանրամասները՝ տեսանյութում:
