19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
«Դելտա» շտամը տարածվում է Թուրքիայում․ COVID-19-ի նոր ալիք է սպասվում
Քաղաքականություն
21.07.2021 | 16:11
Թուրքիայում COVID-19-ի նոր դեպքերի թիվը գրեթե կրկնապատկվել է հուլիսի նվազագույն ցուցանիշի համեմատ։ Այս մասին են վկայում երեքշաբթի օրը հրապարակված տվյալները, գրում է Ahval-ը: Երկրի Առողջապահության նախարարությունից հայտնում են, որ վերջին օրում վարակակիրների թիվն ավելացել է 8780-ով, այնինչ մոտ 15 օր առաջ այդ թիվը կրկնակի պակաս էր ՝ 4,418: Օգոստոսի ընթացքում Թուրքիան կարող է COVID-19-ի դեպքերի նոր աճ գրանցվել՝ կորոնավիրուսի «Դելտա» շտամի տարածման պատճառով։ Ahval-ի փոխանցմամբ՝ այս մասին ասել է Թուրքիայի կառավարության գիտական խորհրդի անդամ Սերապ Շիմշեկ Յավուզը:
«Հունիսի սկզբին սահմանափակումների չեղարկման որոշումներից առաջ մենք ասում էինք, որ այս շտապողականությունը ճիշտ չէ, քանի որ գիտեինք, որ «Դելտա» տարբերակը կտարածվի», – ասել է Յավուզը։ «Ասում էինք՝ եկեք ամառն անցկացնենք սահմանափակումներով ու մինչ սեպտեմբեր բոլորին պատվաստենք, սակայն մեր զգուշացումներին ուշադրություն չդարձրեցին։ Մարդկանց տեղաշարժը վերջին օրերին շատ է ավելացել, ինչը հարմար միջավայր է վիրուսի տարածման համար: Մենք պետք է պատրաստ լինենք օգոստոսի նոր ալիքին»,- հայտարարել է Յավուզը։
Տաթև Ֆռանգյան
