24.05.2026 | 01:30
«SOAD-ը Երևանու՞մ». Սերժ Թանկյանը հայտարարել է՝ հուլիսին համերգ չի լինի
Քաղաքային իշխանությունը թեև խոստացել էր վերականգնել Վրացական փողոցում պայթյունից քանդված շինությունը, սակայն ոչինչ չի արել. «Երկիր Ծիրանին» դիմում-բողոք է ներկայացրել
Հասարակություն
06.03.2018 | 15:27
ՀՀ Գլխավոր դատախազ Արթուր Դավթյանին Քաղաքապետի առաջին տեղակալ Կամո Արեյանին
Քաղաքապետարանի կոմունալ տնտեսության վարչություն Հրայր Անտոնյանին
Քաղաքապետարանի շինարարության և բարեկարգման վարչություն Սամվել Մհերյանին
Մարդու իրավունքների պաշտպան Արման Թաթոյանին
Դիմում-Բողոք
Այսօր 2018 թվականի մարտի 6-ին Երևանի ավագանու «Երկիր Ծիրանի» խմբակցության ղեկավար Զարուհի Փոստանջյանը այցելել է Երևան քաղաքի Վրացական փողոցի 10 շենք, որտեղ վերջերս տեղի էր ունեցել պայթյուն: Փաստացի, պայթյունից հետո շուրջ երկու շաբաթ անց վնասված շենքում վերականգնելու ուղղությամբ որևէ աշխատանքներ տեղի չեն ունեցել, չնայած այն հանգամանքին, որ քաղաքային իշխանությունը խոստացել էր անմիջապես վերականգնել քանդված շինությունը: Քաղաքացիները իրենց բողոքում նշում են, որ այստեղ այլևս անվտանգ ապրել հնարավոր չէ:
Ելնելով վերոգրյալից և հաշվի առնելով, որ պատկան մարմինները անգործություն են ցուցաբերում, որով էլ ոտնահարվում են բնակիչների իրավունքները՝ խնդրում եմ ձեռնարկել համապատասխան միջոցներ` պայթյունի հետևանքով տուժած շենքի բնակիչների իրավունքները վերականգնելու համար, միաժամանակ՝ պատկան մարմիններին անգործություն ցուցաբերելու համար ենթարկել պատասխանատվության:
Հարգանոք՝
Զարուհի Փոստանջյան
Երևանի ավագանու «Երկիր Ծիրանի» խմբակցության ղեկավար
