08.09.2026 | 21:05
Բաքվի դատարանը ադրբեջանցի հայտնի իրավապաշտպանին դատապարտել է 13 տարվա ազատազրկման
«Հայաստան» դաշինքը վերցնելու է պատգամավորական մանդատները
Քաղաքականություն
20.07.2021 | 18:13
8-րդ գումարման Ազգային ժողովի առաջին նիստին քիչ ժամանակ է մնացել։ Ինչպես երեկ Factor TV-ին փոխանցեց ԿԸՀ քարտուղար Արմեն Սմբատյանը՝ առաջին նիստը գումարվելու է օգոստոսի 2-ին։ ՍԴ որոշման հրապարակումից հետո հանրային հետաքրքրության կենտրոնում է հայտնվել հարցը՝ արդյոք խորհրդարան անցած ընդդիմադիր երկու ուժերը վերցնելու են պատգամավորական մանդատները։ Այս հարցի առնչությամբ Factor TV-ին զրուցեց ՀՅԴ Բյուրոյի անդամ Արմեն Ռուստամյանի հետ, որը ներառված է դաշինքի ընտրական ցուցակում։ Նա մեզ տեղեկացրեց, որ «Հայաստան» դաշինքը որոշել է վերցնել մանդատները։
Հիշեցնենք, որ երեկ՝ հուլիսի 19-ին, դաշինքի ցուցակը գլխավորող երկրորդ նախագահ Ռոբերտ Քոչարյանը հայտարարել էր, որ հրաժարվում է պատգամավորական մանդատից։ Դիմումը ԿԸՀ էր ներկայացրել դաշինքի անդամ, փաստաբան Արամ Վարդևանյանը։ Նշենք նաև, որ 8-րդ գումարման ԱԺ-ում «Հայաստան» դաշինքը կունենա 29 մանդատ։
Մերի Մարտիրոսյան
