24.04.2024 | 00:41
Մտահոգված ենք Հայաստանում ոստիկանական բռնության մասին հաղորդումների աճով. Freedom House
Հրապարակվել է կաշառակերության մեջ մեղադրվող Ստավրոպոլի ՃՈ պաշտոնյայի ոսկեզօծ պատերով առանձնատան տեսանյութը
Քաղաքականություն
20.07.2021 | 21:04
ՌԴ Քննչական կոմիտեն տեսանյութ է հրապարակել Ստավրոպոլի երկրամասում ճանապարհային ոստիկանության վարչության ձերբակալված պետ Ալեքսեյ Սաֆոնովի առանձնատնից, գրում է «ՌԻԱ Նովոստին»։
Կադրերում երևում են ոսկեզօծ հարդարանքով մի քանի սենյակներ, խոշոր չափերի հասնող գումարներ, իսկ առանձնատան դիմաց կայանված է երկու թանկարժեք ավտոմեքենա։
Հետաքննության վարկածի համաձայն՝ ոստիկանության պետը ղեկավարել է հանցավոր խմբավորում, որի անդամները մի քանի տարի շարունակ փողի դիմաց Ստավրապոլի երկրամասում անցաթուղթ են տվել ցորենի ու իներտ նյութերի տեղափոխման համար, ինչը թույլ է տվել բեռներ տեղափոխել օրենքի խախտումներով։ Ընդհանուր առմամբ, հանցավոր խմբավորման անդամներն իրենց ծառայությունների դիմաց ստացել են ավելի քան 19 միլիոն ռուբլի։
Քրեական գործ է հարուցվել առանձնակի խոշոր չափերով կաշառք ստանալու հոդվածով: Սաֆոնովը և հանցավոր խմբի վեց անդամներ, այդ թվում՝ Ճանապարհային երթևեկության անվտանգության պետական տեսչության դեպարտամենտի նախկին ղեկավար Ալեքսանդր Արժանուխինը ու տեսուչ Վիտալի Մելչիկովը, բերման են ենթարկվել։
Մանրամասները՝ տեսանյութում։
Տաթև Ֆռանգյան
