29.06.2026 | 20:10
ՆԳՆ-ում 2 ծառայողի նկատմամբ կիրառվել է «Ծառայության դադարեցում» կարգապահական տույժ
Դանակով զինված անձը հարձակվել է Մալիի նախագահի վրա
Քաղաքականություն
20.07.2021 | 17:35
Երկու անձ, որոնցից մեկը՝ դանակով զինված, այսօր հարձակվել է Մալիի անցումային շրջանի նախագահ Ասիմի Գոիթայի վրա մայրաքաղաք Բամակոյի Մեծ մզկիթում: Միջադեպի ականատեսն է դարձել AFP-ի լրագրողը, գրում է France-24-ը։
Հարձակումը տեղի է ունեցել Կուրբան Բայրամ իսլամական տոնին նվիրված աղոթքի ժամանակ: Նշվում է, որ Գոիթային տարհանել են դեպքի վայրից, սակայն միջադեպին ականատես լրագրողը չի կարողացել հստակ արձանագրել՝ արդյո՞ք նա վիրավոր է։
Կրոնական գործերի նախարար Մամադու Կոնեն AFP-ին ասել է, որ դանակով զինված մի մարդ «փորձել է սպանել նախագահին», սակայն բերման է ենթարկվել: Մեծ մզկիթի տնօրեն Լատուս Տուրեն էլ հայտնել է, որ հարձակվողը թիրախավորել է նախագահին, բայց վիրավորել է մեկ ուրիշի:
Տաթև Ֆռանգյան
