28.03.2026 | 13:38
Մարդկանց ահ ու սարսափի մեջ եք պահում, ասում եք` ընտրեք, որ պատերազմ չլինի, թոռնիկս ծառայում է. քաղաքացի․ ՏԵՍԱՆՅՈՒԹ
Ռուսաստանը Թուրքիային C-400 համակարգերի լրացուցիչ խմբաքանակ կվաճառի
Քաղաքականություն
20.07.2021 | 14:51
«Ռոսօբորոնէքսպորտը», որը ռուսական «Ռոստեխ» պետական կորպորացիայի մասն է, առաջիկա ամիսներին ծրագիր է պատրաստում՝ Թուրքիային զենիթահրթիռային C-400 համակարգերի լրացուցիչ խմբաքանակի մատակարարման համար։ Այս մասին լրագրողների հետ զրույցում ասել է «Ռոսօբորոնէքսպորտ»-ի գլխավոր տնօրեն Ալեքսանդր Միխեևը, գրում է ՏԱՍՍ-ը։
«Մենք ակնկալում ենք, որ առաջիկա ամիսներին այդ ծրագիրը կավարտենք։ Անցկացվում են վերջնական խորհրդակցությունները, ձևավորվել է ֆինանսական մոդելը, ինչպես նաև այդ նախագծում տեխնոլոգիական համագործակցության ծրագիրը»,- ասել է Միխեևը:
Նշենք, որ Թուրքիան Ռուսաստանից գնել է հակաօդային պաշտպանության C-400 համակարգերի 4 ստորաբաժանում՝ 2․5 մլրդ դոլար արժողությամբ։ 2019 թվականի հոկտեմբերին էլ «Ռոսօբորոնէքսպորտը» հայտարարել էր, որ Ռուսաստանը պայմանագիրը ժամանակից շուտ է կատարել՝ Թուրքիային մատակարարելով համակարգի բոլոր տարրերը, այդ թվում՝ հրթիռները։
2020 թվականի դեկտեմբերին էլ «Ռոստեխ»-ի ղեկավար Սերգեյ Չեմեզովը հայտարարեց, որ թուրքական կողմը գումարն ամբողջությամբ վճարել է։
Էմմա Չոբանյան
