15.02.2026 | 17:00
Վենեսուելայում գործողության ժամանակ ԱՄՆ-ն օգտագործել է Claude չաթբոտը. WSJ
ՌԴ-ն ռազմական տեխնիկա է տեղափոխել տաջիկ-աֆղանական սահման․ համատեղ զորավարժություններ են անցկացվելու
Քաղաքականություն
20.07.2021 | 15:59
Տաջիկստանում 201-րդ ռազմաբազայի ռուս տանկիստները 200 կիլոմետրանոց երթ են անցկացրել Լյաուրա զորավարժարանից դեպի Աֆղանստանի հետ սահմանին տեղակայված Հարբ-Մայդոն զորավարժարան, որտեղ կանցկացվեն համատեղ մարտավարական վարժանքներ։ «Ինտերֆաքսի» հաղորդմամբ՝ այս մասին հայտնում է Կենտրոնական ռազմական շրջանի մամուլի ծառայությունը:
Երթի ընթացքում T-72 տանկերի անձնակազմերը մշակել են շարասյան մարտական պաշտպանության, պայմանական աղտոտված տարածքների հաղթահարման, դիվերսիոն և հետախուզական խմբերի հարձակումը և «թշնամու» օդային հարվածները հետ մղելու գործողություններ:
Նշանակված վայր ժամանելուց հետո ռուս զինվորականները զբաղվել են իրենց դիրքերի, ինչպես նաև ռազմական մեքենաների համար թաքստոցների ինժեներական կահավորմամբ։
Հարբ-Մայդոնում զորավարժությունները կանցկացվեն օգոստոսի 5-ից 10-ը։ Բացի ռուս և տաջիկ զինծառայողներից՝ դրանց կմասնակցեն նաև Ուզբեկստանի զինված ուժերը:
Տաթև Ֆռանգյան
