16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
ԱՄՆ-ում Կապիտոլիում ներխուժելու գործով առաջին դատավճիռն է կայացվել․ Associated press
Քաղաքականություն
20.07.2021 | 17:01
ԱՄՆ-ում դատարանը 8 ամիս ժամկետով ազատազրկման է դատապարտել Ֆլորիդայի մի բնակչի, որն այս տարվա հունվարին մասնակցել է Դոնալդ Թրամփի կողմնակիցների կողմից Կապիտոլիումի շենքի գրավմանը: Այս մասին հաղորդում է Associated Press- ը:
Սա առաջին դատավճիռն է հունվարին Վաշինգտոնում զանգվածային անկարգությունների գործով։ Անկարգությունների մասնակից Փոլ Ալարդ Հոջքինսը խոստովանել է իր մեղքը և ասել, որ ամաչում է իր արարքների համար: Դատախազությունը մեղադրյալի համար պահանջել է 18 ամիս ժամկետով ազատազրկում:
Նշվում է, որ հետագայում այլ դատարաններ ևս կարող են առաջնորդվել այս դատավճռով՝ անկարգությունների հարյուրավոր այլ մասնակիցների վերաբերյալ որոշումներ կայացնելիս:
Հիշեցնենք՝ Դոնալդ Թրամփի կողմնակիցները 2021 թվականի հունվարի 6-ին Վաշինգտոնում ներխուժել էին Կապիտոլիումի շենք: Անկարգությունների հետևանքով հինգ մարդ է զոհվել:
Տաթև Ֆռանգյան
