Օլիմպիական խաղերի կարգախոսի տեքստի փոփոխությունը հաստատվել է Տոկիոյում կայացած Միջազգային օլիմպիական կոմիտեի (ՄՕԿ) նստաշրջանում, հայտնում է rsport.ria.ru-ն:
Նոր տարբերակով այժմ Օլիմպիական խաղերի կարգախոսն հնչելու է այսպես. «Ավելի արագ, բարձր, ուժեղ՝ միասին» (լատիներեն ՝ citius, altius, fortius – communis): Որոշումն ընդունվել է միաձայն:
«Սա դարակազմիկ իրադարձություն է»,- ասել է ՄՕԿ-ի ղեկավար Թոմաս Բախը, որն ավելի վաղ հանդես էր եկել կարգախոսը փոխելու առաջարկով:
Տոկիոյի Օլիմպիական խաղերը, որոնք հետաձգվել են 2020 թվականից՝ կորոնավիրուսի պատճառով, կմեկնարկեն հուլիսի 23-ին:
Տաթև Ֆռանգյան
