31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
Գերմանիան հաշվարկում է ավերիչ ջրհեղեղի հասցրած վնասները․ դրանք կարող են ռեկորդային լինել․ DW
Քաղաքականություն
20.07.2021 | 15:12
Գերմանիայի Տրանսպորտի դաշնային նախարարության նախնական գնահատականներով՝ ավերիչ ջրհեղեղի պատճառած վնասը տրանսպորտային ոլորտին կարող է կազմել 2 միլիարդ եվրո: Միայն երկաթգծին հասցված վնասը կազմում է մոտ 1,3 միլիոն եվրո, հայտնում է Bild-ը՝ վկայակոչելով նախարարության ներքին գնահատականները:
Երկաթուղային գծի շատ հատվածներ ոչնչացվել են: Տարերային աղետից տուժած շատ շրջաններում ավերվել ու հեղեղվել է կայարանների մեծ մասը, գրում է DW-ի ռուսական ծառայությունը։
Ճանապարհներին ու ավտոմայրուղիներին մի քանի հարյուր միլիոն եվրոյի վնաս է հասցվել։ Ռայնլանդ-Պֆալցում և Հյուսիսային Հռենոս-Վեստֆալիայում հեղեղված շրջաններում անհրաժեշտ է հնարավորինս շուտ վերականգնել կամուրջները, երկաթգիծը, ավտոմայրուղիներն ու բջջային կապի աշտարակները, գրում է պարբերականը։
Նախարարության տվյալներով՝ դաշնային կառավարության հաշվին ճգնաժամային շրջաններում հնարավոր է 300 ժամանակավոր կամուրջի շուտափույթ կառուցում: Ապահովագրողների գերմանական միության ղեկավար Յորգ Ասմուսենը մտավախություն ունի, որ ջրհեղեղի հասցրած վնասը ռեկորդային կլինի։
«Կարճաժամկետ հեռանկարում 2021 թվականը կարող է դառնալ 2013 թվականից ի վեր ամենաավերիչ տարիներից մեկը», – ասել է նա Rheinische Post-ին:
2013 թվականին ջրհեղեղների, փոթորիկների և ցիկլոնների պատճառով հասցված ապահովագրված վնասի չափը կազմել էր 9,3 միլիարդ եվրո:
Տաթև Ֆռանգյան
