Քաղաքականություն
19.07.2021 | 14:05
ԱՄՆ-ի արևմուտքում ավելի քան 470 հազար հա տարածք է այրվում։ Այս մասին գրում է ՏԱՍՍ-ը՝ վկայակոչելով ԱՄՆ Ազգային միջգերատեսչական հրդեհային կենտրոնին, որը տեղակայված է Այդահո նահանգում։
Համաձայն այդ տվյալների՝ այս պահի դրությամբ 80 խոշոր անտառային հրդեհ է գրանցվել: 13 նահանգներում հրդեհի ընդհանուր տարածքը կազմում է ավելի քան 475,9 հազար հա: Տարեսկզբից տարբեր աստիճանի անտառային հրդեհների հետևանքով ԱՄՆ-ում այրվել է ավելի քան 1 միլիոն հա տարածք:
Իրավիճակն առավել բարդ է Մոնտանա նահանգում, որտեղ գրանցվել է 18 խոշոր հրդեհ։ Այդահոյում 17 խոշոր հրդեհ է բռնկված, Քալիֆորնիայում ու Օրեգոնում՝ մինչև 5։ Տուժածների կամ զոհերի մասին տեղեկություններ դեռևս չեն ստացվել։
Տաթև Ֆռանգյան
