29.06.2026 | 21:12
Կաշկանդված եմ Մեդվեդևի խոսքը մեկնաբանել, քանի որ չեմ կարդացել. Վահագն Ալեքսանյան․ ՏԵՍԱՆՅՈւԹ
Տնտեսագիտական մասնագիտությունների համար համարյա մրցույթ չի եղել․ ցածր բալերով ընդունվել են․ ԳԹԿ փոխտնօրեն. ՏԵՍԱՆՅՈՒԹ
Հասարակություն
19.07.2021 | 12:38
Դիմորդների համար պահանջված մասնագիտությունների շարքում առաջին տեղում IT ոլորտի մասնագիտություններն են: Պահանջված են նաև իրավագիտությունը, բժշկական մասնագիտությունները։ Այս մասին այսօր հրավիրված ասուլիսում հայտարարեց Գնահատման և թեստավորման կենտրոնի փոխտնօրեն Կարո Նասիբյանը։
«Եթե տարիներ շարունակ դիմորդները ընտրում էին տնտեսագիտությունը` մասնավորապես ֆինանսներ և վարկ, կառավարում, ապա այս տարի տնտեսագիտական բաժիններում նույնիսկ ամենացածր միավորներով ընդունվել են, այսինքն՝ համարյա մրցույթ չի եղել։
Քիմիային առնչվող մասնագիտություններում այս տարի էլ գրեթե դիմորդներ չկան։ Թափուր տեղերի թիվը մեծ է նաև կրոնագիտություն, աստվածաբանություն, արվեստաբանություն, մշակութաբանություն մասնագիտություններին առնչվող բաժիններում»,- նշեց Նասիբյանը։
«Մարզերում գտնվող բուհերի վիճակն այդքան էլ բարվոք չէ. օրինակ` Գորիսի պետական համալսարանում միասնական քննություններով ընդունվել է ընդամենը 52 հոգի, այսինքն` շատ մասնագիտություններ թափուր են»,- նշեց ԳԹԿ փոխտնօրենը:
Մանրամասները՝ տեսանյութում:
