26.04.2026 | 12:24
Ուրախ եմ լսել, որ նախագահ Դոնալդ Թրամփը և մյուս ներկաները ապահով են ու լավ վիճակում․ Նիկոլ Փաշինյան
Իսրայելի վարչապետն առաջարկել է քրեական պատասխանատվության ենթարկել ինքնամեկուսացման կանոնները խախտողներին
Քաղաքականություն
19.07.2021 | 12:59
Իսրայելի վարչապետ Նաֆթալի Բենեթը հանձնարարել է քրեական պատասխանատվության ենթարկել կորոնավիրուս ախտորոշմամբ այն անձանց, որոնք գիտակցաբար խախտում են ինքնամեկուսացման կանոններն ու վտանգում են շրջապատի առողջությունը։ Այս մասին, ՏԱՍՍ-ի հաղորդմամբ, հայտնում են Իսրայելի վարչապետի գրասենյակից։
Մինչ այդ վարչապետ Բենեթը խորհրդակցություն էր անցկացրել կորոնավիրուսի դեմ պայքարի կանոնների պահպանման վերահսկողությունը ուժեղացնելու հարցով, որին մասնակցել էին առողջապահության, ներքին անվտանգության նախարարները, ոստիկանապետը։
Հավելենք, որ հուլիսի 17-ին Իսրայելում բժիշկները 2021 թվականի մարտից առաջին անգամ մեկ օրում հայտնաբերել են կորոնավիրուսով վարակման 1000-ից ավելի դեպք, որը դարձել է նոր հակառեկորդ երկրում «դելտա» շտամի հայտնաբերումից հետո։
Տաթև Ֆռանգյան
