24.08.2026 | 18:04
ՀԷՑ-ը պետականացնելը ճիշտ է, բայց համոզված եմ նաև՝ չի կարելի երկար թողնել պետական կառավարման ներքո․ Փաշինյան․ ՏԵՍԱՆՅՈՒԹ
Վրաստանի խորհրդարանն անվտանգության լրացուցիչ միջոցների մասին է հայտարարել
Քաղաքականություն
18.07.2021 | 12:19
Վրաստանի խորհրդարանի հայտարարությամբ` այսօր՝ հուլիսի 18-ին, կգործի սահմանափակ մուտքի ռեժիմ` դեպի խորհրդարանի շենք, ինչը չի վերաբերում լրատվամիջոցների ներկայացուցիչներին. նրանց մուտքը կիրականացվի սովորականի պես` նախապես համաձայնեցնելով: Այս մասին գրում է aliq.ge-ն։
Ըստ խորհրդարանի` ձեռնարկված միջոցառումների նպատակն է կանխել հնարավոր սադրանքները:
Այսօր խորհրդարանում է լինելու նաև ներքին գործերի նախարարը: Վախտանգ Գոմելաուրիին կլսեն խորհրդարանի արտահերթ նստաշրջանի նիստում ՝ կապված հուլիսի 5-6-ը տեղի ունեցած իրադարձությունների հետ:
Երեկ կայացած հանրահավաքում լրատվամիջոցների ներկայացուցիչները հայտարարել են, որ հավաքվելու են օրենսդիր մարմնի շենքի դիմաց: Նրանք խորհրդարանի նախագահին հորդորել են` չփակել խորհրդարանի մուտքի դուռը:
