13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Ինչպես են մեր իշխանությունները համոզում օտարերկրյա ներդրողներին Հայաստանում ներդրումներ անել․ տնտեսական համաժողովների անտեսանելի և անհասկանալի օգուտը. ՏԵՍԱՆՅՈՒԹ
Տնտեսություն
05.03.2018 | 20:23
Ամիսը երկու անգամ տեղի են ունենում երկկողմ, անգամ՝ եռակողմ գործարար և ներդրումային հանդիպում-համաժողովներ, որոնց մասնակից կողմերից մեկը Հայաստանն է:
Արտասահմանյան բոլոր այցերի ժամանակ մեր երկրի պաշտոնյաները բարձրաձայնում են տնտեսության մեջ ներդրում անելու խնդիրը, հրավիրում Հայաստան, համոզում, որ մեր երկիրը փոխվել է, որ ունենք մրցակցային միջավայր և այլն:
Այդ ամենից զատ, սակայն, ունենք վիճակագրություն, որտեղ որևէ տող չկա օտարերկրյա ներդրումների մասին, իսկ ներդրումների 30 տոկոսից ավելին էլ պետական կամ համայնքային բյուջեն է, վարկերն ու դրամաշնորհները:
Այսինքն, մասնավորը շարունակում է խուսափել ներդրում անելուց: Հարց է մնում՝ ի՞նչ են քննարկում Հայաստանի բարձր և բարձրագույն պաշտոնյաներն իրենց հովանու ներքո կազմակերպած ներդրումնային համաժողովների, հանդիպումների ժամանակ, ինչպե՞ս են գործարարներին համոզում ներդրումներ անել Հայաստանի տնտեսության մեջ, եթե արդյունքում ունենք նման վախվորած վիճակագրություն:
Ի դեպ, կարևոր մի հանգամանք. Կարեն Կարապետյանը 2017-ի սկզբում խոստացել էր տարեվերջում 850 մլն դոլար արդյունք ցույց տալ՝ շեշտելով, որ բոլոր ծրագրերը կան, հաստատված են, գիտեն ովքեր և որ ոլորտում են անելու: Տարվա վերջում բերվեց մոտավորապես այդքանի հաշվետվություն: Այսինքն՝ տարեսկզբում հաստատված ներդրումներից բացի՝ այլ ներդրում Հայաստանում չի արվել: Հետևաբար՝ ողջ տարվա ընթացքում անցկացված համաժողովները որևէ արդյունք չեն տվել։
Սևակ Հակոբյան
