15.02.2026 | 22:34
ՔՊ-ում տեղի ունեցած քվեարկության առաջատարները․ նախնական արդյունքները՝ 22:00-ի դրությամբ
Ջիվան Գասպարյանի հուղարկավորության հանձնաժողով է ստեղծվել. գլխավորում է Վահրամ Դումանյանը
Հասարակություն
16.07.2021 | 17:32
Վարչապետի պաշտոնակատար Նիկոլ Փաշինյանը աշխարհահռչակ դուդուկահար Ջիվան Գասպարյանի թաղման հանձնաժողով ստեղծելու ու դրա անհատական կազմը հաստատելու մասին որոշում է ստորագրել։ Դրանում մասնավորապես ասվում է․
Ղեկավարվելով Հայաստանի Հանրապետության կառավարության 2006 թվականի նոյեմբերի 23-ի N 1910-Ն որոշման N 6 հավելվածի 2-րդ կետով՝
1. Հայաստանի Խորհրդային Սոցիալիստական Հանրապետության ժողովրդական արտիստ, դուդուկահար Ջիվան Գասպարյանի մահվան կապակցությամբ ստեղծել թաղման հանձնաժողով և հաստատել դրա անհատական կազմը՝ համաձայն հավելվածի:
2. Հայաստանի Հանրապետության ֆինանսների նախարարի պաշտոնակատարին՝ 20-օրյա ժամկետում Հայաստանի Հանրապետության վարչապետի պաշտոնակատարին ներկայացնել համապատասխան առաջարկություն հանձնաժողովի ներկայացրած հուղարկավորման ծախսերի մասին հաշվետվության հիման վրա:
