19.12.2025 | 13:05
ՀՖՖ-ն սկսել է տարվա լավագույն ֆուտբոլիստի և մարզիչի քվեարկությունը
Քարահունջի ղեկավարի ցուցմունքի հիման վրա է Առուշանյանին մեղադրանք առաջադրվել. Արմեն Մելքոնյան. ՏԵՍԱՆՅՈՒԹ
Հասարակություն
16.07.2021 | 14:45
Երևանի ընդհանուր իրավասության առաջին ատյանի դատարանը քիչ առաջ բավարարեց ՀՀ հատուկ քննչական ծառայության միջնորդությունը, և Գորիսի համայնքապետ Առուշ Առուշանյանը կալանավորվեց երկու ամսով։
«Սա է իրականությունը, բայց շարունակելու ենք պայքարը, որ հասնենք ճշմարտության և արդարության։ Սա նախադեպը չունեցող բան է, որովհետև մեկ անձի հակասական ցուցմունքով «գլխատում են» մի ամբողջ համայնք։ Մի բան է ասել, հետո հերքել է, հետո ցուցմունք է տվել, ու Առուշանյանին կալանավորել են։
Ժողովրդի մանդատից են խոսում, բա Առուշանյանը չունե՞ր ժողովրդի մանդատը։ Թե այս պահին կարելի է թքել մանդատի վրա»,- լրագրողների հետ ճեպազրույցում վրդովված ասաց Առուշ Առուշանյանի փաստաբան Արմեն Մելքոնյանը՝ հավելելվ, որ խոսքը Քարահունջի ղեկավարի մասին է, ով հակասական ցուցմունքներ է տվել։
Հիշեցնենք, որ Առուշ Առուշանյանը մեղադրվում է «Հայաստան» դաշինքի օգտին առավելագույն քվեներ ապահովելու և ընտրություններում ցանկալի արդյունք արձանագրելու նպատակով ընտրակաշառք տալու համար։
Արմեն Մելքոնյանի խոսքով՝ Առուշանյանը ապօրինի է կալանավորվել. դիմելու են Վերաքննիչ դատարան:
Մանրամասները՝ տեսանյութում:
