10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Չի կարելի բարձր դատարանում ներկայացնել փաստարկներ, որոնք արագ կհերքվեն. Բադասյանը՝ ՍԴ դիմած ուժերին
Հասարակություն
14.07.2021 | 15:31
Չի կարելի բարձր դատարանում ներկայացնել փաստարկներ, որոնք անմիջապես կհերքվեն, չի կարելի իրավաչափ գործողությունները ներկայացնել որպես ոչ իրավաչափ և այդ հիմքով պնդել, որ ընտրության արդյունքները պետք է ճանաչել անվավեր: Որևէ դեպքում չի կարելի Սահմանադրական մարմնում վիրավորական արտահայտություններ անել սահմանադրական մեկ այլ մարմնի հասցեին: Այս մասին Սահմանադրական դատարանում ընդդիմության դիմումի քննարկման ժամանակ իր եզրափակիչ ելույթում ասաց Արդարադատության նախարարի պաշտոնակատար Ռուստամ Բադասյանը։
Ըստ նրա՝ դիմումատուների փաստարկները կարելի է բաժանել երկու խմբի։ «Առաջին խումբն ընդհանրապես դուրս են բարձր դատարանի լիազորությունների շրջանակներից։ Երկրորդ խմբի մասին. երբ լսեցինք պատասխանողներին, ինձ մոտ տպավորություն ստեղծվեց, որ բովանդակային առումով դատավարությունն ավարտվեց։ Դիմումատուներն անընդհատ փորձում էին մամուլին ներկայացնել, որ բացառիկ ծավալի մասին է խոսքը, բացառիկ բարդ դատավարության։ Ես տեսա բացառիկություն տառերի քանակի, տողերի, նախադասությունների, էջերի քանակի, բայց ոչ բովանդակային առումով։ Այնքան պարզ հերքվեցին այդ բոլոր փաստարկները, որ կարծում եմ՝ անկողմնակալ դիտորդի մոտ որևէ կասկած չմնաց»,- ասաց Բադասյանը։
Մանրամասները՝ տեսանյութում:
