05.07.2026 | 22:44
Աշխարհի առաջնությունների պատմության մեջ առաջին անգամ ֆուտբոլիստի կարմիր քարտը չեղարկվել է
Ուկրաինայում ցուցարարները փորձել են ներխուժել խորհրդարանի շենք․ բախումներ են սկսվել
Քաղաքականություն
14.07.2021 | 16:16
Ուկրաինայի ուժային կառույցների՝ թոշակի անցած ներկայացուցիչները, որոնք այսօր բողոքի ակցիա են իրականացրել Գերագույն ռադայի շենքի դիմաց, փորձել են գրոհել խորհրդարանի շենքը, որտեղ լիագումար նիստ է ընթանում։ Նրանք, սակայն, հետ են մղվել ոստիկանության կողմից, ինչից հետո ծեծկռտուք է սկսվել, գրում է ՏԱՍՍ-ը։
Կիևում և Ուկրաինայի մարզկենտրոններում ուժային կառույցների վետերաններն այսօր բողոքի ակցիա էին իրականացնում՝ պահանջելով թոշակների չափի վերահաշվարկ։
Ռադայի դիմաց հավաքվել է ուժային կառույցների շուրջ 1000 նախկին աշխատակից։ ՏԱՍՍ-ի թղթակցին միջոցառման կազմակերպիչները հայտնել են, որ ցուցարարների հիմնական պահանջն ուղղված է երկրի նախագահ Վլադիմիր Զելենսկուն, որը, ինչպես սպասվում է, պետք է կենսաթոշակների վերահաշվարկի մասին հրամանագիր ստորագրի:
Տաթև Ֆռանգյան
