26.04.2026 | 11:13
Վթարային ջրանջատում Երևանում
Բելառուսում խուզարկություններ են սկսվել իրավապաշտպան կազմակերպություններում․ կան ձերբակալվածներ
Քաղաքականություն
14.07.2021 | 16:45
Բելառուսի ուժային կառույցների ներկայացուցիչներն այսօր խուզարկություններ են իրականացրել իրավապաշտպան կազմակերպությունների աշխատակիցների մոտ: Այս մասին հայտնում են տեղական լրատվամիջոցները:
Ըստ տեղեկությունների՝ խուզարկություններ են իրականացվել փաստաբան Վլադիմիր Լաբկովիչի և Բելառուսում չգրանցված «Գարուն» իրավապաշտպան կազմակերպության խորհրդի անդամ Վալենտին Ստեֆանովիչի մոտ, գրում է EADaily-ն:
Տեղեկություններ կան նաև, որ Մինսկում ձերբակալվել է լրագրող ու իրավապաշտպան Սերգեյ Սիսը։ Օրշում էլ ուժայինները ձերբակալել են orsha.eu լրատվական պորտալի խմբագիր Իգոր Կազմերչակին։
Խուզարկություններ են իրականացվում նաև Lawtrend իրավապաշտպան կազմակերպության տնօրեն Օլգա Սմոլյանկոյի մոտ։ Կապի դուրս չի գալիս նաև «Գարուն» իրավապաշտպան կազմակերպության ղեկավար Ալես Բելյացկին։
Հիշեցնենք, որ Բելառուսի իշխանությունները խոստացել էին գտնել ու պատժել երկրում 2020 թվականի օգոստոսի 9-ին տեղի ունեցած նախագահական ընտրություններից հետո սկսված բողոքի ցույցերի կազմակերպիչներին։
Տաթև Ֆռանգյան
