29.06.2026 | 20:10
ՆԳՆ-ում 2 ծառայողի նկատմամբ կիրառվել է «Ծառայության դադարեցում» կարգապահական տույժ
ԱՄՆ-ը Աֆղանստանից դուրս է բերել իր զորքերի գրեթե 95%-ը
Քաղաքականություն
13.07.2021 | 19:50
ԱՄՆ-ը Աֆղանստանից դուրս է բերել իր զորքերի գրեթե 95%-ը։ Այս մասին ասված է ԱՄՆ ԶՈՒ կենտրոնական հրամանատարության տարածած հայտարարության մեջ, գրում է ՏԱՍՍ-ը։
«Զորքերի դուրսբերման գործընթացը շարունակվում է։ Համաձայն Կենտրոնական հրամանատարության գնահատականի՝ մենք ավարտել ենք զորքերի ավելի քան 95%-ի դուրսբերումը»,- ասված է հաղորդագրության մեջ։
Հուլիսի 6-ին հրամանատարությունը հայտնել էր, որ զորքերի դուրսբերման գործընթացն ավարտվել է ավելի քան 90%-ով։
Հիշեցնենք՝ ավելի վաղ Վաշինգտոնը հայտարարել էր Աֆղանստանից մինչև սեպտեմբերի 11-ը զորքերի դուրսբերման մասին։ Ավելի ուշ այս ժամկետը կրճատվել է մինչ օգոստոսի 31-ը։
ԱՄՆ-ի և նրա դաշնակիցների զորքերի դուրսբերման ֆոնին, հիշեցնենք, թալիբներն իրենց վերահսկողության տակ են վերցնում Աֆղանստանի ավելի շատ թվով շրջաններ։
Տաթև Ֆռանգյան
