18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Վրաստանը կորոնավիրուսի ծանր՝ 4-րդ ալիքի շեմին է. համաճարակաբան
Քաղաքականություն
13.07.2021 | 17:53
Վրաստանում համաճարակաբանական իրավիճակը գնալով վատթարանում է, երկիրը սպասում է «կորոնավիրուսի ծանր՝ 4-րդ ալիքին», հայտարարել է Վրաստանի հիվանդությունների վերահսկման ազգային կենտրոնի տնօրեն Ամիրան Գամկրելիձեն կառավարությանը կից գործող միջգերատեսչական խորհրդի նիստից հետո, գրում է EADaily-ն։
«Կորոնավիրուսը չի տարբերակում ո՛չ դիմություն, ո՛չ ընդդիմություն, այն բոլորին նույն կերպ է սպառնում և, ցավոք, չափից շատ կյանքեր է խլում։ Այդ ապատճառով մենք բոլորին կոչ ենք անում ավելի մեծ համերաշխություն և ուշադրություն ցուցաբերել՝ վարակի տարածումը միասին կանգնեցնելու և վիրուսին հաղթելու համար»,- ասել է Գամկրելիձեն։
Նրա խոսքով՝ հիվանդությունների վերահսկման կենտրոնը համակարգող խորհրդին 3 խորհրդատվություն է ներկայացրել, որոնք ենթադրում են պատվաստման գործընթացի արագացում, թեստավորման ծավալների մեծացում և սահմանափակումներին ու խորհուրդներին լիակատար հետևում։
Հավելենք, որ հուլիսի 13-ի դրությամբ՝ Վրաստանում վարակվածների ընդհանուր թիվը 379 673 է, որոնցից 360 558-ը ապաքինվել է։ Մահացել է 5 479 մարդ։ Այս փուլում Վրաստանում կա կորոնավիրուսային վարակի 13 610 ակտիվ դեպք։
Տաթև Ֆռանգյան
