16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Ես կծառայեմ այն պաշտոնում, որտեղ կտեսնեն իմ գործընկերները, երկրի վարչապետը․ Սուրեն Պապիկյան․ ԼՈՒՍԱՆԿԱՐՆԵՐ
Քաղաքականություն
13.07.2021 | 14:40
Տարածքային կառավարման և ենթակառուցվածքների նախարարի պաշտոնակատարն աշխատանքային այցով Շիրակի մարզում է։ Սուրեն Պապիկյանն այցելել է Հյուսիս-հարավ ճանապարհային միջանցքի Շիրակի մարզի տեղամասերից մեկը։
«Մենք հիմա գտնվում ենք շինարարական ակտիվ հատվածներից մեկում: Տեսաք, որ տեղադրվում է առաջին ասֆալտ-բետոնե խոշորահատիկ շերտը, մենք ունենում ենք հիմա 8 և 7 սմ հաստության, ինչպես նաև ևս 5 սմ հղկող շերտ։ Տեսանելի է արդեն և՛ որակը, և՛ նոր ճանապարհի մեր ունեցած հնարավորությունները։ Այս պահին ավարտվել է 24 կմ երկշերտ ճանապարհ, որը մի քանի փոքրիկ անցումներ տեղադրելուց հետո մեզ թույլ կտա ամբողջությամբ երթևեկությունը կարգավորել։ Ես չեմ կարող հիմա ժամկետ նշել, թե երբ կավարտվի ճանապարհի շինարարությունը»,- ասաց նախարարի պաշտոնակատարը։
Սուրեն Պապիկյանից լրագրողները նաև հետաքրքրվեցին, թե ԱԺ արտահերթ ընտրություններից հետո որտեղ է շարունակելու աշխատանքը։
«Մամուլն ամեն օր տեսնում է մի պաշտոնում։ Ես կծառայեմ այն պաշտոնում, որտեղ կտեսնեն իմ գործընկերները, երկրի վարչապետը»,- ասաց Պապիկյանը։
