07.10.2026 | 14:29
Սեպտեմբերին Հայաստան է այցելել 290 հազար զբոսաշրջիկ․ Պապոյան
Ինչո՞ւ հենց 15 տոկոս և ինչո՞ւ հենց իրացումից․ հարկային բեռը կարող է վնասների հանգեցնել․ Մանվել Եղիազարյան․ ՏԵՍԱՆՅՈՒԹ
Տնտեսություն
13.07.2021 | 13:05
Կառավարության նիստում հավանության է արժանացել «Պետական տուրքի մասին» օրենքում փոփոխություն և լրացում կատարելու մասին» նախագիծը, որով նախատեսվում է 15%-ի չափով պետական տուրք սահմանել պղնձի խտանյութի, մոլիբդենի, ֆեռոմոլիբդենի արտահանման համար:
Օրենսդրական փոփոխությունը Կառավարությունը համարել է հրատապ, ուստի ԱԺ-ն այն քննարկելու է արտահերթ ընթացակարգով։ Այն նպատակ ունի պղնձի համաշխարհային գների շեշտակի աճի ֆոնին էականորեն մեծացնել վերոնշյալ ապրանքատեսակների արտահանումից ստացվող պետբյուջեի հարկային մուտքերը, քանի որ ըստ կառավարության, տևական գնաճի պայմաններում ոլորտում ձևավորվում է գերշահույթ։
Համաձայն կառավարության հաշվարկների՝ արտահանման հարկումն ընթացիկ գների դեպքում կարող է պետբյուջեի համար տարեկան կտրվածքով հավելյալ 72 մլրդ դրամի մուտք ապահովել: Այնուհետև այդ գումարները նախատեսվում է ուղղել նոր ստեղծվելիք սուվերեն ֆոնդ։
Հանքարադյունաբերության ոլորտում սպասվող փոփոխություններին, դրանց հիմնավորվածությանը հանգամանորեն անդրադարձարձ կատարվեց «Կառավարությունը կհարկի պղնձի խտանյութի, մոլիբդենի, ֆեռոմոլիբդենի արտահանումը» թեմայով առցանց քննարկման ժամանակ։
«Հասկացանք, որ բյուջեն համալրելու անհրաժեշտություն կա և սա բյուջեն համալրելու աղբյուր է, բայց չհասկացանք, ինչու հենց 15 տոկոս և ինչու հենց իրացումից: Սա դառնում է անուղղակի հարկման համակարգ, և անկախ ընկերության ֆինանսական ցուցանիշներից, արտահանման ժամանակ 15 տոկոսը վճարելու են պետբյուջե: Իսկ հետաքրքիր է՝ ճյուղն ունի 15 տոկոս շահութաբերություն: Եթե գնում ենք հարկային բեռի ավելացման, ցանկալի է դա վերցնելեկամտից, ոչ թե միանգամից իրացման ճանապարհին»,- նշեց «Հայաստանի հանքագործների և մետալուրգների միության» անդամ Մանվել Եղիազարյանը:
Նա նաև հավելեց, որ հարկային այս բեռը կարող է վնասներ հասցնել. հարկման աղբյուրը պետք է լինի շահույթը:
Մանրամասները՝ տեսանյութում:
