ՀՀ-ում բնակվողները հուլիսի 12-ից ազատվում են Շվեդիա մուտքի արգելքից։ Այս մասին տեղեկացնում է ՀՀ-ում Շվեդիայի դեսպանությունը։
Համաճարակային իրավիճակի բարելավման շնորհիվ այսօրվանից Հայաստանի բնակիչների համար Շվեդիա մուտքի արգելքն ամբողջությամբ կվերացվի։ Սա վերաբերում է նաև կացության իրավունք ունեցողներին։
«Հայաստանում օրինական հիմքով բնակվող անձինք վիզաների համար կարող են դիմում ներկայացնել մոտակա Շվեդիայի դեսպանություն, որը տրամադրում է վիզաներ։ Ցանկության դեպքում՝ ՀՀ կացություն ունեցող անձինք կարող են վիզա ստանալու դիմում ներկայացնել Մոսկվայում գտնվող Շվեդիայի դեսպանատանը՝ կապ հաստատելով Ռուսաստանում գտնվող VFS Global գրասենյակներից որևէ մեկի հետ՝ հանդիպման պայմանավորվածություն ձեռք բերելու համար։ Հայաստանում Շվեդիայի դեսպանությունը վիզաներ չի տրամադրում և վիզայի հայտեր չի ընդունում»,- ասվում է դեսպանության հայտարարությունում։
