29.06.2026 | 21:35
Խնդիր չեմ տեսնում պարոն Իոաննիսյանին հրավիրելու մեջ, ուղղակի չեմ ուզում գործընթացը ձգձգվի․ Սուրեն Գրիգորյան․ ՏԵՍԱՆՅՈւԹ
Քալիֆորնիայում հրշեջները պայքարում են անտառային հրդեհների դեմ․ օդի ջերմաստիճանը հասել է +53-ի․ ԼՈՒՍԱՆԿԱՐՆԵՐ
Քաղաքականություն
12.07.2021 | 19:37
Ամերիկյան Քալիֆորնիա նահանգում հրշեջներն անտանելի շոգի պայմաններում պայքարում են հրդեհների դեմ, մինչ երկրի արևմտյան նահանգները շարունակում են մնալ կատաղի ջերմային ալիքի տիրապետության տակ, հաղորդում է Sky news-ը։
Հրդեհները գրանցվել են այն բանից հետո, ինչ ԱՄՆ արևտմյան շրջաններում հանգստյան օրերին ռեկորդային շոգեր են գրանցվել, որոնք, ինչպես ակնկալվում է, կպահպանվեն նաև այս շաբաթվա ընթացքում։
Շաբաթ Քալիֆորնիայի հարավարևելյան Մոջավե անապատում գտնվող Մահվան հովտում ջերմաստիճանը հասել է +53-ի (128F), իսկ մեկ օր առաջ ջերմաստիճանը եղել է +54 (130F), ինչը 1913 թվականից ի վեր գրանցված ամենաբարձր ջերմաստիճանն է։
Հանգստյան օրերին կրակը հասել է Քալիֆորնիայի և Նևադայի սահմանին գտնվող Դոյլ փոքրիկ քաղաքը։ Նևադայի հետ սահմանի երկայնքով աճող անտառային հրդեհները ստիպել են փակել խոշոր մայրուղիները, իսկ հարևան Օրեգոնում հսկայական տարածք ընդգրկած հրդեհների պատճառով խափանվել է նաև էլեկտրամատակարարումը երեք հիմնական էլեկտրահաղորդման գծերից:
ԱՄՆ-ի արևմտյան նահանգներում, այդ թվում՝ Քալիֆորնիայում, գնալով ավելի է մեծանում հրդեհների վտանգը երաշտի պատճառով։
Հավելենք, որ Քալիֆորնիայում համանման իրավիճակ էր ստեղծվել նաև շուրջ մեկ տարի առաջ։
Տաթև Ֆռանգյան
