26.04.2026 | 13:38
ՃՏՊ Գեղամասար բնակավայրում․ կա տուժած
Հնդկաստանում դիտաշտարակի վրա սելֆի անելիս կայծակի հարվածից 16 մարդ է մահացել․ BBC
Քաղաքականություն
12.07.2021 | 20:39
Կիրակի հյուսիսային Հնդկաստանում՝ Ջայփուրում, կայծակի հարվածից 16 մարդ է մահացել, մի քանիսը՝ վիրավորվել։ Զոհերը հորդառատ անձրևի ու կայծակի ժամանակ սելֆի են արել 12-րդ դարի Ամեր ամրոցի դիտաշտարակի վրա, որը շատ ճանաչված է զբոսաշրջիկների շրջանում, գրում է BBC-ն։
Նշվում է, որ բազմաթիվ զոհեր կան նաև Ութար Փրադեշ և Մադհյա Փրադեշ նահանգներում։ Տեղի լրատվամիջոցներին ոստիկանությունից հայտնել են, որ ամրոցի դիտաշտարակում կայծակի հարվածից զոհվածների մեծ մասը երիտասարդներ են։ Միջադեպի ժամանակ աշտարակում 27 մարդ է եղել։
Տեղական լրատվամիջոցների հաղորդմամբ՝ միայն կիրակի Ռաջաստան նահանգում, որտեղ գտնվում է Ջայփուրը, կայծակի հարվածներից 9 մահ է գրանցվել:
Հաղորդվում է, որ առնվազն 41 մարդ, հիմնականում՝ կանայք և երեխաներ, զոհվել են Ութար-Փրադեշ նահանգում: Ամենամեծ թվով՝ 14 զոհ գրանցվել է Ալլահաբադ քաղաքում։ Երկու մարդ, որոնք Ֆիրոզաբադ քաղաքում պատսպարվել էին ծառի տակ, կայծակի հարվածից հետո տեղում մահացել էին: Մնացած մահերը գրանցվել են նահանգի մի քանի այլ շրջաններում: Առնվազն 7 մարդ մահացել է Մադհյա Փրադեշում:
Մասնագետներն ասում են, որ զոհերի թիվը երկու նահանգներում մեծ է, քանի որ մեծ թվով մարդիկ աշխատում են դրսում՝ գյուղատնտեսության և շինարարության ոլորտում:
Համաձայն պաշոնական տվյալների՝ Հնդկաստանում տարեկան շուրջ 2․000 մարդ է զոհվում կայծակի պատճառով։
Տաթև Ֆռանգյան
