Լրագրողական բունտ․ Վրաստանում ընդդիմադիր լրատվականների լրագրողները ներխուժել են խորհրդարանի շենք․ ծեծկռտուք է գրանցվել․ ՏԵՍԱՆՅՈՒԹ

Վրաստանում հերթական, այս անգամ՝ ՏԻՄ ընտրություններից 3 ամիս առաջ իրավիճակը կտրուկ լարվել է։ Այսօր առավոտյան Թբիլիսիում իրավիճակը կրկին թեժացել է։

Ընդդիմադիր ԶԼՄ-ների ներկայացուցիչները տեղի ունեցած բողոքի ցույցերի ժամանակ պահանջել են կառավարության հրաժարականը, ներխուժել են խորհրդարանի շենք՝ պահանջելով պատգամավորների հետ հանդիպում, գրում է Sputnik-ի վրացական ծառայությունը։

Դրանից առաջ Վրաստանի վարչապետ Իրակլի Ղարիբաշվիլին հանդես էր եկել հայտարարությամբ՝ նշելով, որ չի պատրաստվում հրաժարական տալ: Նա կառավարության հրաժարականը պահանջող գործողություններն անվանել էր «հակապետական, հակաեկեղեցական և ապազգային գործողություններ»՝ նախկին նախագահ Միխեիլ Սաակաշվիլիին մեղադրելով հակապետական սադրանք ծրագրելու մեջ:

Մինչ այդ, այսօր երեկոյան ժամը 6-ին խորհրդարանի մոտ բողոքի ակցիա է նախապատրաստվում։

Վրաստանում նոր բողոքի ցույցերի առիթ են հանդիսացել Վրաստանի Առաջին ալիքի օպերատոր Լեքսո Լաշկարավայի մահը․ նա մահացել է հուլիսի 5-ին Թբիլիսիում «Արժանապատվության երթը» նկարահանելու ժամանակ դաժան ծեծից 6 օր անց։ Այդ ժամանակ, ընդհանուր առմամբ, 50 լրագրող է տուժել։ Ընդդիմադիր ԶԼՄ-ները պահանջում են իշխանությունների հրաժարականը, քանի որ վերջիններս չեն կարողացել պաշտպանել իրենց քաղաքացիներին անկարգությունների ժամանակ։

Իսկ այսօր ծեծկռտուքը գրանցվել է հենց խորհրդարանի նիստերի դահլիճում։ Անվտանգության աշխատակիցները փորձել են դահլիճից դուրս բերել մարդկանց։ Խորհրդրարանի խոսնակի տեղը զբաղեցրել են ընդդիմության ներկայացուցիչները, որոնք ամբիոնից կախել են Վրաստանի ու ԵՄ-ի դրոշները։ Ամբիոնից նրանք պահանջել են կառավարության հրաժարականը։

Խորհրդարանի լիագումար նիստն ընդհանտվել է։

Մանրամասները՝ տեսանյութում։

Տաթև Ֆռանգյան