18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Բելգիայում կինը մահացել է՝ վարակվելով կորոնավիրուսի միաժամանակ երկու շտամով
11.07.2021 | 19:23
Արդեն հնարավոր է վարակվել կորոնավիրուսի միաժամանակ երկու տարբերակով, հայտնում է BBC-ն։ Բելգիայում կորոնավիրուսի միանգամից երկու շտամով վարակվել և մահացել է 90-ամյա մի բնակչուհի։
Կինը, որը մահացել է մարտ ամսին, պատվաստված չի եղել:
Առողջապահության ոլորտին ցնցել է այն փաստը, որ հնարավոր է վարակվել կորոնավիրուսի միանգամից երկու տարբերակով:
Բժիշկները պարզել են, որ հիվանդը վարակված է եղել միաժամանակ և՛ բրիտանական, և՛ հարավաֆրիկյան շտամներով։ Նա, ամենայն հավանականությամբ, վարակվել է երկու տարբեր մարդկանցից:
Բրիտանացի վիրուսաբան Լորանս Յանգը զարմանալի չի համարում կորոնավիրուսի՝ մեկից ավելի շտամով վարակվելը, բայց խորհուրդ է տվել հետազոտություն կատարել՝ պարզելու համար, թե արդյոք նման վարակն ազդում է COVID-19-ի կլինիկական ընթացքի վրա, և արդյոք այն վտանգում է պատվաստումների արդյունավետությունը:
