31.07.2026 | 11:15
Բաքվում կայացած ըմբշամարտի մինչև 17 տարեկանների աշխարհի առաջնության արդյունքների ամփոփում. ՈՒՂԻՂ
Տեղի է ունեցել Իսրայելի նախագահի երդմնակալության արարողությունը
Քաղաքականություն
07.07.2021 | 19:49
Իցհակ Հերցոգն այսօր երդում է տվել Քնեսեթում՝ որպես Իսրայելի 11-րդ նախագահ, որից հետո ստորագրել է երդման տեքստը: Երդմնակալության արարողությունը հեռարձակվել է խորհրդարանի մամուլի ծառայության կողմից, գրում է ՏԱՍՍ-ը։
Երդման խոսքերը Հերցոգը արտաբերել է Քնեսեթի խոսնակ Միկի Լևիից հետո, ինչպես և նախատեսված է արարողակարգով։
Հիշեցնենք, որ Իսրայելի 6-րդ նախագահ Խայիմ Հերցոգի որդու՝ Հրեական գործակալության ղեկավար Իցհակ Հերցոգի օգտին քվեարկել է 87 պատգամավոր։
Նշենք, որ պետության ղեկավարի լիազորությունների ժամկետը յոթ տարի է։ Իսրայելում, որը խորհրդարանական հանրապետություն է, նախագահի պարտականությունները կրում են արարողակարգային բնույթ, իսկ իրական իշխանությունը կենտրոնացած է վարչապետի ձեռքում։
Տաթև Ֆռանգյան
